بغداد 17°C
دمشق 9°C
الأربعاء 3 مارس 2021
مناشدة للأسد من الكلية العسكرية للبنات: "مبروك نجاح ولادك.. معقول تتركنا لحكي الناس بعد تسريحنا؟" - الحل نت

مناشدة للأسد من الكلية العسكرية للبنات: “مبروك نجاح ولادك.. معقول تتركنا لحكي الناس بعد تسريحنا؟”


ناشدت شابتان من الكلية العسكرية للبنات رئيس النظام (بشار #الأسد) في تسجيل مصور نشرتاه على وسائل التواصل وتداولته صفحات كثيرة موالية ومعارضة، قالتا فيه إنه تم تسريحهما من الكلية قبل تخرجهما “من دون حق”، وطلبتا منه التدخل لإنصافهما.

وقالت الفتاتان في التسجيل الذي نشرته شبكة INT إنه “في تاريخ 6 تموز 2017 خمس طلاب ضباط علويين بنات دورة 34 الكلية العسكرية للبنات بيتفاجؤوا بقرار تسريحهن بعد خدمتين بالغوطة. فليش الظلم وتضييع الحلم؟ شو قتلنا ولا دبحنا ولا عارضنا؟”.

وأضافتا في التسجيل “دخلنا الجيش لأننا منحب الجيش ومنحب نكون واقفين جنب إخواننا الشباب بهالأزمة، ونحنا من عائلات مسورة الحال. حبينا نروح عالجيش حتى نساعد أهالينا، لحتى نحقق حلم طفولتنا بحمل سلاح ولحتى نحقق حلمنا برتبة على كتافنا.. يا هلترى لشو راح حلمنا وضاع؟ شو نحنا عايشين بغابة؟ معقول نحن نحرض عالتمرد والعصيان؟؟”.

وتابعت الشابتان “سيدي الرئيس: مبروك نجاح أولادك حنا بنات إلنا سمعتنا معقولي تتركنا لحكي الناس عن أخلاقنا؟! معقولي تتركنا لحكي عساكر الحواجز لما نمر عحواجزن بقرار تسريحنا: أنتوا بنات طالبات ضباط وبتتسرحوا، طب ليش!! أخلاق ماهيكي؟”.

وأكملت الفتاتان مخاطبتان الأسد: “سيدي تسرحنا بأمر شخصي منك حسب ما قالولنا وبتوقيعك، فليش رفقاتنا البنات بنفس المهجع يتخرجوا ونحنا ما فينا نلبس بدلة أو رتبة؟ معقول بدنا الوطن والوطن ما بدو يانا؟”.

واختتمت الطالبتان السابقتان بالكلية العسكرية التسجيل بالقول: “يمكن تكون نتيجة هالفيديو حياتنا، ما منعرف يا سيدي الرئيس. ويمكن يلي سرحونا يحاولو يقتلونا لأنو فصحناهم هالحقودين الظالمين.. الي ضربونا وأهانونا وأشقونا مع أنو نحنا مو ضد التدريب والتعب والشقا لأنو الضابط لازم يتدرب ويتعب.. بس نحنا ضد الظلم والأذى”.


التعليقات