وجّه الفنان والممثل السوري “مكسيم خليل” رسالة وداع على خلفيّة رحيل المخرج السوري “حاتم علي”، حيث حظيت الرسالة بتفاعل واسع على صفحة “خليل” الشخصيّة في مواقع «فيس بوك».

وجاء في رسالة “مكسيم” التي نشرها السبت تحت عنوان «على كفوف الراحة» وأرفق معها صوراً وفيديوهات من تشييع المخرج السوري في العاصمة دمشق: «على كفوف الراحة..شفتك اليوم بالمنام ..مابعرف كنت عمتودعني ..او عمتستقبلني ..

عانقتني بدفى الدنية ..كنت عمتواسيني ..مابعرف عمتواسيني فيك او عمتواسيني فينا..

بس كنت مرتاح حاتم … وشك مرتاح كتير..

بعمري ماشفته مرتاح لهلدرجة..وابتسامة رضى فيها رضى الكون..(شكراً حاتم..الله معك حاتم) 

(ياحاتم وين رايح تروح ياحاتم فتحت الجروح) هيك استقبلوك اهلك الطيبين..

على كفوف الراحة حملوك اخواتك وولادك يلي ياما حملتهم..وحملت قصصهن وبيوتهم..

هيك وصّلوك اهل الوفا بلا خوف لبيتك الأبدي بأرض الشام..ارض وطنك..شفت الحب؟؟ شفت الدفى؟؟

يلي متلك هنن بيكسبوا الرهان الأبدي بهي الحياة.. يلي بلامس هموم الناس ..يلي بيحترم ذكائهم..يلي بينتصرلهم ..رح ينتصروله..

لهيك كنت مبارح ابوهم واخوهم و ابنهم و استاذهم وشهيدهم وأميرهم ..

كل واحد شاف خساراته فيك وشاف احلامه فيك..مشّونا كلنا معك بكل لحظة..فتلنا الشام معك..

حلوين اهلنا ..طيبين اهلنا …مكسورين اهلنا..بس كبار اهلنا .. بقدّروا الذهب العتيق..

وبيعرفوا المغشوش..وكلمتهم بقولوها ..بهيك لحظات..

هي الناس هي يلي بتكتب التاريخ الحقيقي..وهي يلي بتصنع الخوف والقلق الحقيقي ..لكل شي مو حقيقي..وبتهزه اكتر..

ليك نام وانت متطمن ياحبيبي و..(شكراً حاتم) #شكرا_حاتم_علي #امير_المخرجين_حاتم_علي».

https://www.facebook.com/maxim.khalil/posts/10158832066792485

 

وكان المخرج السوري “حاتم علي” توفي الثلاثاء عن عمر ناهز 58 عاماً، وذلك إثر إصابته بنوبة قلبية، خلال وجوده في فندق الماريوت في حي الزمالك في مدينة القاهرة المصريّة.

وبحسب التقارير الطبيّة التي رافقت نقل جثته من المشفى فإن الوفاة كانت طبيعيّة نتيجة أزمة قلبيّة، في حين وصلت جثّته إلى دمشق صباح الخميس وشارك الآلاف في تشييعه بينهم مئات من الفنانين من جامع الحسن وسط العاصمة دمشق.

إلا أن مراسم التشييع غاب عنها الحضور الرسمي للحكومة السوريّة ونقابة الفنانين السوريين، حيث لم يسجل حضور نقيب الفنانين السوريين “زهير رمضان” أو أي ممثل عن إدارة النقابة.

وعرف المخرج السوري “حاتم علي” بحضوره المؤثر في الدراما العربيّة والسوريّة خصوصاً وله العديد من الأعمال الشهيرة التي حازت على متابعة واسعة من الجمهور العربي، وكان لها دوراً بارزاً في التأثير وتسليط الضوء على القضايا العربيّة الاجتماعيّة والتاريخيّة، وأبرز تلك الأعمال “التغريبة الفلسطينيّة والزير سالم” وغيرها.