رصد (الحل) – كتبت الممثلة السورية (#سوسن_أرشيد) منشوراً على صفحتها في موقع فيسبوك هاجمت فيه اللوحة “الكوميدية الساخرة” التي عُرضت هذا الأسبوع حول عمل “الخوذ البيضاء” واستخدام الكيماوي في سوريا، في عمل أغضب المتابعين.

ودوّنت أرشيد “ما بستغرب من ممثلين مقضيين وقتهون عم يهرجوا لشركات الانتاج وللدولة ويلي فوق ويلي تحت ويلي بالنص ليحصلوا على دور او شبه دور إنّو يبيضوا صفحة النظام ويدعسوا على جثث الاطفال يلي ماتوا قدّام اهاليهون وهنن عم يختنقوا من كيماوي قائدكون وجيشو وطيرانه. ما بستغرب تعملوا اي شي لتضلوا تشاركوا بهالمهزلة العظيمة يلي مسمينها دراما”.

وأضافت الفنانة “بس بحب تعرفوا إنّو حتى بأحلامكون مارح تحلموا تمرقوا من جنبها للريد كاربت بهوليود. أنتوا كتير عليكون تمشوا وراسكون بالأرض وفوقوا البسطار للأبد للأبد في شوارع سجنكون الكبير تحت السقف يلي حددولكون ياه وتهللوا للطغاة وللغزاة يا مهرجين القصر. وسيكتب التاريخ إنّو في ممثلين كرمال أجر بلوحة باعوا دم أهلهون وناسهون”.

وختمت أرشيد المنشور بالقول “السلام لأرواح الأطفال والسوريين يلي رحلوا من أجل الحرية والكرامة، والسلام لأصحاب الخوذ البيضاء يلي حطّوا قلوبهون على ايدهون لينقذوا ما أمكن انقاذه ولا تآخذونا لما فعل السفهاء منّا”.

وتضمنت حلقة بعنوان “حالات خاصة” من مسلسل “كونتاك” الكوميدي الذي عرض منذ يومين مشهداً طلب فيه منتسب لمنظمة “الخوذ البيضاء” من الناس الصراخ والتظاهر بالموت، وتصويرهم والزبد يخرج من فمهم، كضحايا هجوم كيماوي.

والحلقة هي 23 من المسلسل، ومثّل بها حسام تحسين بك، ومحمد حداقي، وأمل عرفة، وفنانين آخرين. والعمل من إخراج حسام الرنتيسي، وإنتاج شركة تتبع لرجل الأعمال سامر فوز.

إعداد وتحرير: سامي صلاح